Now Reading
Атырауда полиция қайыр сұраушы арбадағы мүгедекті жауапқа тартты
INVA > Новости > Атырауда полиция қайыр сұраушы арбадағы мүгедекті жауапқа тартты

Атырауда полиция қайыр сұраушы арбадағы мүгедекті жауапқа тартты

АТЫРАУ. ҚазАқпарат — 9 қаңтар күні Атырау қаласы полицейлері таспасының назарына мүгедек арбасына таңылған күдікті ер адам іліккен. Жанына барған учаскелік полицей әлгі ер адамның мүгедектер арбасынан еш қиындықсыз тұрып, көшеде дәрет сындырып тұрғанын көреді, деп хабарлайды ҚазАқпарат Мой город порталына сілтеме жасап.

«Ұсталған қайыр сұраушы 58 жастағы ер адам Ақтөбе қаласының тумасы болып шықты. Оған қатысты ҚР Әкімшілік құқық бұзу туралы кодексінің 434-бабы  (Қоғамдық тәртіпті бұзу) және 449-бабы (Қайыр сұрау) бойынша екі хаттама толтырылды», — деп баяндады Атырау облыстық полиция департаментінің баспасөз қызметінен.

Полицейлердің айтуынша, қазіргі кезде ұсталған ер адам есімін және тұрғылықты жерін анықтау үшін 2-ші қалалық полиция бөлімшесіне жеткізілді.

«Бұдан бөлек, қайыршы мүгедектігін анықтау үшін медициналық куәландырудан өтеді», — деп нақтылады Атырау облыстық полиция департаментінің баспасөз қызметінен. Ссылка

0
Tags :

Leave a Reply

Your email address will not be published. Required fields are marked *

No More Posts