Қазақстан үкіметі оқу жылының басында мектептерде қауіпсіздікті қамтамасыз етуге уақыты болмауы мүмкін деп хабарлайды.
«Татарстандағы қайғылы оқиғадан кейін бізге берілген Мемлекет басшысының бұйрығы бар. Мүдделі мемлекеттік органдармен мектептерде қауіпсіздікті қамтамасыз ету бойынша жұмыстар жүргізіп жатырмыз», — деді Ішкі істер министрі Ерлан Тұрғымбаев 21 маусымда Парламент палаталарының бірлескен отырысында.
Осы жұмыс шеңберінде 7500 мектеп тексерілді, олардың ішінде тек 45% техникалық шарттарға сәйкес келетін бейнебақылау жүйелері бар, 30% мектепте дабыл жүйесі жоқ, тек 6% мектепке күзет ұйымдары қызмет көрсетеді, ал 5% мектепте металл іздеуші құрал мен турникеттер бар.
«Жұмыс жүргізілуде. Жыл соңына дейін қаражат бөлініп, бұл кемшіліктер жойылады», — деді ІІМ басшысы.
