Технология мектеп оқушыларының қауіпсіздігін айтарлықтай жақсартты.
Ақмола облысында Петр Исаков атындағы №1 орта мектепте Telegram желісі арқылы білім беру мекемесінен баланың келуі мен кетуі туралы ата-аналарға хабарланады, деп хабарлайды Ғылым және білім министрлігінің баспасөз қызметі.
Ақкөл орта мектебінің маңы мен айналасына 27 бейнебақылау камерасы орнатылды.
Кабинеттер камералармен, түтін детекторларымен, қозғалыс, есікті жабу датчиктерімен жабдықталған. Білім беру мекемесінде қауіпсіздік пен кіруді басқару жүйелері, адамды келбетінен тану сенсорлары, турникеттер мен ескерту жүйесі орнатылған.
«Мұндай технологиялар бізге мектеп оқушыларының қауіпсіздік деңгейін едәуір арттыруға мүмкіндік берді. Оқушылар электронды смарт-карталар арқылы мектепке кіреді және кетеді. Бұл оқушылардың сабаққа қатысуын электронды есепке алуға мүмкіндік береді. Өз кезегінде ата-аналар өз баласын бақылай алады. Ата-аналарға баланың Telegram мессенджері арқылы мектептен келуі мен кетуі туралы хабарланады», — деді мектеп директоры Әсел Садықова.
Ғимарат сонымен қатар өрт детекторларымен және атмосфералық газ анализаторымен жабдықталған. Қауіпсіздік жүйесіндегі барлық деректер тікелей қалалық қызметтердің ситуациялық орталығына түседі.
