Алматы облысында зейнеткерлер мен мүгедектігі бар адамдарды алдаған сериялық алаяқ ұсталды.
Өткен айдың соңында Еңбекшіқазақ ауданының полициясына Есік қаласының 66 жастағы тұрғыны 80 мың теңге көлемінде ақша қаражатын алаяқтық жолмен иемденіп алған белгісіз тұлғаға қатысты шара қолдануды сұрады.
Жедел-іздестіру шаралары барысында полиция қызметкерлері 32 жастағы күдіктіні ұстады. Ер адамның екі жыл бойы алаяқтық әрекеттермен айналысқаны анықталды. Бүгінде оның 17 алаяқтық фактісіне қатыстылығы дәлелденді, оның залал сомасы 20 млн теңгеден асты. Алаяқтықтың негізгі бөлігі зейнеткерлерге, әлеуметтік төлемдерді, зейнетақылар мен жәрдемақыларды ұлғайту бойынша мүгедектігі бар адамдарға қатысты жасалды.
Күдікті өзінің қылмыстық әрекетін 2019 жылы бастаған. Оған қатысты ҚР ҚК 190-бабы 3-бөлігі бойынша қылмыстық іс қозғалды, ол Еңбекшіқазақ АІІБ-нің УҰИ-не қамалды.
