Сот әйелдің құқығын қалпына келтірді.
Мүгедектігі бар ұлын тәрбиелеп отырған Нұр-Сұлтан қаласының тұрғыны баспанаға мұқтаждар кезегінен заңсыз шығарылды, деп хабарлайды елордалық соттың сайты.
Ағымдағы жылдың 29 шілдесінде әйел кезекке тұруға өтініш берген. Оның айтуынша, жалғыз табысы – мүгедектік жәрдемақысы екен. Өзі жұмыс істемейді, өйткені ұлының ауруы үнемі қасында болуды қажет етеді.
Алайда 18 тамызда тұрғынға мемлекеттік тұрғын үй қорынан жылжымайтын мүлікті алу кезегі Нұр-Сұлтан қаласының тұрғын үй басқармасы мен тұрғын үй инспекциясынан мақұлданбаған. Бас тартуға оның елордада үш жылдан аз уақыт тұруы себеп болған.
Тұрғын бас тартуға қарсы мамандандырылған ауданаралық әкімшілік сотына шағым түсірген.
«Арызданушының 2017 жылдың 2 тамызынан бастап Нұр-Сұлтан қаласында уақытша тіркеуде тұрғаны анықталды. Сот бұл мән-жайларды арызданушының елордада үш жылдан астам тұруын дәлелдейтін жеткілікті дәлел деп тапты, — делінген хабарламада.
Қаулы заңды күшіне енді.
