Ақтөбедегі №1 әлеуметтік қызмет көрсету орталығында мүгедектігі бар баланы ұрып-соғу фактісі анықталды.
Сәуір айының соңында қалалық прокуратураға бұл орталықта балаларды ұрып-соғып жатқаны туралы хабарлама түскен.
Прокуратура қызметкерлері қорғаншылық және қамқоршылық органының, Ақтөбе облысы бойынша жұмыспен қамтуды үйлестіру басқармасының өкілдерімен, полиция қызметкерлерімен және медицина қызметкерлерімен бірге №1 әлеуметтік қызмет көрсету орталығына барды. Бейнебақылау камераларының жазбаларын зерделеу барысында №1 әлеуметтік қызмет көрсету орталығының қызметкерінің баланы ұрып-соғу фактісі анықталды.
Бұл мекемеде психоневрологиялық дертке шалдыққан балалар бар.
«Бақылау камераларын тексеру барысында мүмкіндігі шектеулі баланы ұрып-соғу фактісі анықталды. Ақтөбе қаласының прокуратурасы қылмыстық іс қозғап, Ақтөбе қалалық ішкі істер бөліміне тергеуге жіберді. Өткен жылы бұл орталықта баланы ұрып-соғу фактісі де тіркелді», — деп хабарлады облыстық прокуратураның баспасөз қызметі.
