Алматы қаласында №3 «Шаңырақ» арнайы әлеуметтік қызметтерді ұсыну орталығында екі ер адам коронавирустен қайтыс болды деп хабарланды.
КВИ-ден қайтыс болған орталық тұрғындарының жастарын «ардагер» санатына жатқызуға болмайтындығы туралы хабарланған.
«1945 жылы туған Хамитов деген азамат 16 сәуірде Жекенова атындағы қалалық клиникалық инфекциялық ауруханаға «Шаңырақ» әлеуметтік орталығынан өте ауыр жағдайда келіп түскен. 1953 жылы туған екінші А. есімді азамат 15 сәуірде Орталық қалалық клиникалық ауруханаға туыстарының үйінен өте ауыр жағдайда келіп түскен. «Шаңырақ» орталығының үшінші тұрғыны 1947 жылы туған Ж. есімді азамат Орталық қалалық клиникалық ауруханада емделуде — жағдайы біршама жақсарған», — деп жауап берді басқарма.
№7 Қалалық клиникалық аурухананың әкімшілігі марқұмдардың бірі осы медициналық мекемеде КВИ ауруын жұқтырған деген мәлімдемеге жауап берді.
«Аурухана әкімшілігі келесіні хабарлайды: 1953 жылы туған науқас А., Алматы қаласы №7 Қалалық клиникалық аурухананың №1 инсульт бөлімінде 2021 жылдың 26 наурызы мен 5 сәуірі аралығында ем қабылдады. №7 Қалалық клиникалық ауруханада емделу кезеңінде науқаста коронавирустық инфекция белгілері болмаған, КВИ-ге тапсырылған ПТР анализі расталмаған. Бөлім жағдайында қажетті медициналық көмектің толық көлемі Қазақстан Республикасы Денсаулық сақтау министрлігінің хаттамалары бойынша жүзеге асырылды. Денсаулығы жақсарып амбулаторлық бақылауға, ем-шара ұсыныстарымен аурухадан шығарылды.
Кейбір адамдардың пациенттің «ауруханада коронавирус жұқтырды» деген мәлімдемесі негізсіз және сәйкесінше тиісті құрылымдардың эпидемиологиялық тергеу туралы ресми нәтижелері болмағандықтан орынсыз деп санаймыз », — деп атап өтті №7 Қалалық клиникалық аурухана.
Источник: newtimes.kz
