1 мамыр күні қазақстандықтар ел үшін маңызды, мейірімді және жарқын мереке – ел халықтарының бірлігі күнін атап өтеді.
Қазақстан халқының бірлігі мерекесі — мемлекеттік мереке.
Бұл күн бейбітшіліктің, келісімнің және патриотизмнің символы болып табылады. Мереке біздің жерімізде ежелгі заманнан бері қастерленіп келе жатқан достық пен келісім, өзара сыйластық пен сенім тәрізді құндылықтардың көрінісі болып табылады.
Қазақстан халықтарының бірлігі күні 1996 жылдан бері аталып келеді. 1995 жылы 18 қазанда Қазақстанның Тұңғыш Президенті Нұрсұлтан Назарбаев 1 мамыр күнін Қазақстан халқының бірлігі күні деп жариялау туралы жарлыққа қол қойды. Сол уақытқа дейін 1 мамыр Кеңес Одағы кезінен бастап дәстүрлі түрде Жұмысшылардың ынтымақтастық күні ретінде атап өтіліп келе жатқан еңбек және бейбітшілік мерекесін сипаттайтын еді.
Қазақстан көпұлтты мемлекет, біздің елімізде100-ден астам ұлт пен ұлыс тұрады. Сондықтан елде тұратын барлық халықтардың бірлігін көрсететін мереке қажет болды. Мұндай күн ретінде 1 мамыр таңдалды. Биыл еліміз бұл мерекені 26-шы рет атап өтуде.
Дәстүр бойынша бұл күні елдегі халықтарды біріктіретін түрлі іс-шаралар — салтанатты жиындар, концерттер, шерулер, байқаулар, республиканы мекендейтін халықтардың билері, жәрмеңкелер өткізіледі.
Қазақстандықтарды басқа халықтардың дәстүрлерімен таныстыру үшін мерекеге әртүрлі мәдени орталықтардың қатысуы өте маңызды. Осының бәрі бұл күнді Қазақстандағы ең жарқын және сүйікті мерекелердің біріне айналдырады.
Алайда екінші жыл қатарынан коронавирустық пандемияға байланысты, елдегі барлық бұқаралық іс-шаралар тоқтатылып, мереке қысқартылған түрде өткізіліп жатыр. Қазақстандықтар табиғат аясында демалып, саябақта серуендеп, көршілерімен әңгімелесу-дүкен құрып мерекені өткізе алады.
Сонымен қатар көмекке мұқтаж қазақстандықтар үшін түрлі қайырымдылық шаралары өткізіліп, ағаштар мен гүлдер отырғызылуда.
1 мамыр әлемнің 142 елінде Еңбек күні ретінде тойланады.
Оның тамыры 1886 жылдан бастау алады, американдық жұмысшылар сегіз сағаттық жұмыс күнін белгілеуді талап етіп, ереуіл ұйымдастырған. Бұл ереуіл мен жұмысшылардың демонстрациясы полициямен қантөгісті қақтығыстармен аяқталды.
1889 жылы шілдеде өткен Екінші Интернационалдың Париж конгресі Чикагодағы осы жұмысшылар демонстрациясын еске алып, жыл сайын 1 мамырда жұмысшылар демонстрациясын өткізуге шешім қабылдады.
Халықаралық жұмысшылардың ынтымақтастық күні алғаш рет 1890 жылы Австрия-Венгрия, Бельгия, Германия, Дания, Испания, Италия, АҚШ, Норвегия, Франция, Швеция және басқа да елдерде аталып өтті.
Источник: zakon.kz
