Кейбір адамдарға денсаулық жағдайларына байланысты кофе ішуге тыйым салынған, ал латте, маккиато, капучино сияқты танымал сусын түрлерін ешкім қолданбағаны абзал, — деп хабарлайды диетолог маман.
Бұл туралы диетолог Мария Розанова «Москва 24» телеарнасына берген сұхбатында айтты. Маманның айтуынша терапевтік диетологияда кофе адам денсаулығына байланысты проблемалары болған жағдайда тыйым салынатыны белгілі: қант диабеті, асқазан-ішек жолдары аурулары, инсулинге төзімділік, төмен қан қысымы.
Денсаулыққа зияндылығымен қатар, танымал сусын терінің күйін бұзады, тіпті салмақтың өсуіне ықпал етеді. «Қазіргі уақытта сүт ұнтағы, кілегей, қант қосылған кофе ұсыну сәнге айналды. Бұл сусын асқазанда ашыту процесін тудырады және пайдалы ішек микрофлорасын өлтіреді. Нәтижесінде иммундық жүйе әлсірейді және түрлі вирустар мен бактериялармен күресуге дайын болмайды. Несеп жүйесіндегі проблемалардан тері зардап шегеді», — деп түсіндірді Розанова. Диетолог қажетсіз толтырғышсыз және құрамында кофеині аз, мысалы қантсыз Американо сияқты қарапайым сусынды таңдап, лат, макиато мен капучинодан бас тартуға кеңес берді.
Источник: Хабар 24
