Балалық шақтың ұзақтығы мен қорғалуы бойынша елдер рейтингінде Қазақстан 180 елдің ішінде 50-орынға ие болды, деп хабарлайды finprom.kz.
Елдің индексі мүмкін болатын 1000-нан 933 құрады. Индекс 1000-ға жақын болған сайын, балаларды қорғау деңгейі соғұрлым жоғары болады, 1-ге жақындаған сайын, ел балалар үшін нашар деп саналады.
ТМД елдерінің ішінде Қазақстанды Беларуссия мен Ресей басып озды. Армения, Өзбекстан, Түркменстан және Қырғызстан Қазақстан Республикасынан кейін қалды. Балаларға арналған ең жақсы елдер Сингапур, Словения болды, ал үшінші орынды Финляндия мен Швеция бөлісті. Ең нашар елдер — Нигерия, Орталық Африка Республикасы және Чад мемлекеті. Көрсеткіш денсаулық сақтау, білім беру және жалпы алғанда балалар қауіпсіздігі көрсеткіштерін ескереді.
Рейтингке сәйкес Қазақстанда 5 жасқа дейінгі балалар өлімінің орташа коэффициенті 10 000 бала туылғанда 99 өлім-жітімді құрайды. Балалардың 6% -ы (көбіне қыздар) 15-19 жасында тұрмысқа шығады, балалардың 8%-ы 5 жасқа дейін тойып тамақтанбайды, ал балалар еңбегінің таралуы 2,2% құрайды.
Жасөспірімдердің жүктілік коэффициенті 1000 қызға шаққанда 29,8 құрайды, ал балалардың суицид деңгейі халықтың 100 мыңына шаққанда 1,3 құрайды.
Қазақстанда осы жылдың басында 0-ден 15 жасқа дейінгі 5,8 миллион бала болды, бұл өткен жылмен салыстырғанда 2,7% артық. Ер балалар саны дәстүр бойынша қыздар санынан асады: тиісінше 2,8 миллионға қарсы 3 миллион.
Балалар мен жасөспірімдердің көп бөлігі Түркістан облысында тұрады: 815,4 мың адам. Балалардың саны бойынша үздік үштікке енген аймақтарға Алматы облысы мен Алматы кіреді. Балалардың ең аз бөлігі Солтүстік Қазақстан облысында тұрады.
Төрт айдың ішінде жыл басынан сәуірге дейін, елде кәмелетке толмағандар арасында 53 суицид жасалды, бұл бір жыл бұрынғыдан 15,2% артық. Оның ішінде 32 ұл мен 21 қыз бар. Өз-өзіне қол жұмсау әрекеттерін тағы 120 адам жасады, бұл бір жыл бұрынғыдан 5,3% көп. Оның ішінде 21 ұл мен 99 қыз бар. Олардың көпшілігі толық отбасыларында өмір сүрген.
