24 мамырда Қостанай қаласында №27 орта мектебінің базасында жаңа инклюзивті білім беру ресурстық орталығы ашылды. Бұл орталық арнайы білім беру қажеттіліктері бар балаларды орта мектептерге бейімдеу үшін қажетті жағдай жасауға мүмкіндік береді.
Қостанай облысы білім басқармасының мәліметтері бойынша, қалада ерекше білім беру қажеттіліктері бар 2200-ден астам бала тұрады, оның ішінде 471 бала қала мектептерінде оқиды.
Жалпы білім беретін мектептерде оқитын ерекше қажеттіліктері бар балалар көбінесе кәсіби қолдауға, ара-тұра демалуға және релаксацияға мұқтаж. Балалардың барлық осы қажеттіліктері ресурстық орталықтар құрғанда — психолог, логопед, дефектолог және басқа мұғалімдердің балалармен жұмыс істейтін кеңістігін дайындаған кезде ескеріледі. Бұл тәсіл ерекше балалардың оқу процесіне қатысуын жеңілдетеді. Мұнда сондай-ақ дамуында кемістігі бар балалармен жұмыс жасайтын мұғалімдер мен ата-аналар кеңес ала алады.
Ресурстық орталық үйде оқытылатын балаларды әлеуметтендіру бойынша да жұмыс істейді. «Жан-жақты тең жобаның арқасында инклюзивті білімге қол жетімділік кеңейіп келеді. Тек соңғы 1,5 айда біз Жамбыл облысында ППҮК мен ТК филиалдарын, Арқалықта және Петропавлда 2 ТК аштық, бүгін осында орталық ашып жатырмыз,тағы Түркістан облысында ППҮК ашу жоспарланып отыр.
«Қазірдің өзінде барлығы 14 ППҮК және инклюзивті білім беру бойынша 16 ресурстық орталық ашылды», — деді «Samruk-Kazyna Trust» ресми өкілі Мирас Іргебаев.
Инклюзивті білім беру бойынша ресурстық орталықтың ашылуы — 2020-2025 жылдарға арналған білім мен ғылымды дамытудың мемлекеттік бағдарламасын іске асыру, инклюзивті білім беруді қолдау бойынша ресурстық кеңселер желісін кеңейту көзделген. Бүгінгі таңда Қостанай облысында 1 инклюзивті білім беру ресурстық орталығы және 3 инклюзивті білім беруді қолдау кеңсесі жұмыс істейді.
