Британдық дәрігерлер диабеттің екінші типін арнайы диагностикалық құралдарсыз байқауға болатын белгілерді атады.
Дәрігерлер өзін-өзі бақылаудың маңыздылығын, әсіресе салмақ пен көз жағдайы туралы ескертті. Егер қандай да белгілердің пайда болу себептері туралы күмән туындаған болса, емдеуді уақытында бастау үшін дәрігерге жүгінген жөн, деп жазады Express.
Негізгі сигнал диета мен өмір салтын өзгертпестен салмақ жоғалту болып табылады. Diabetes UK қайырымдылық ұйымы ешбір негізсіз салмақ жоғалту қан құрамындағы қант деңгейінің және басқа да ауыр медициналық жағдайлардың белгісі болуы мүмкін екенін растады. Англияның Ұлттық денсаулық сақтау қызметінің (NHS) сарапшылары 6-12 ай ішінде салмағыңыздың бес пайызынан асатын «тұрақты» және «түсініксіз» салмақ жоғалту әдетте дәрігерге қаралуға себеп болады» деп қосты.
Қандағы қанттың жоғарылауының тағы бір мүмкін белгісі — бактериялық стафилококк инфекциясы. Бұл қабақ айналасына арпаның пайда болуына әкелуі мүмкін — қабақтың шетіндегі қабыну, деп түсіндіреді Мэрилендтегі Джон Хопкинс клиникасында (Джон Хопкинс медицинасы). Қант диабетімен ауыратын адамдарда ісіну, қызару, қабақтың ауруы, көздегі шаң-тозаң тұрғандай сезім, қатты жарықта тітіркену және көзден жас ағу симптомдары бар инфекцияның даму қаупі жоғары болады. Сондықтан мұндай симптом пайда болған кезде мамандар қандағы қант деңгейіне қан тапсыруды ұсынады.
