WhatsApp мессенджерінде есептік жазбаны растауға арналған жаңа қызмет пайда болады, — деп хабарлайды Insider.
Мессенджерді жасаушылар есептік жазбаны қалпына келтірген жағдайда пайдаланушыға растау коды бар SMS жіберудің орнына қысқа қоңырауды қолдану мүмкіндігін тексере бастады.
Flash Calls деп аталатын мүмкіндікті WABetaInfo Android үшін WhatsApp-тың 2.21.11.7 соңғы бета-нұсқасында тапты.
Егер бұрын растау үшін пайдаланушыға алты таңбалы кодты қамтитын SMS хабарлама жіберілсе, енді WhatsApp көрсетілген нөмірге қысқа қоңырау шала алады.
Қосымша мұндай қоңырауды автоматты түрде өңдеп және есептік жазбаны растайды.
Жаңа қызмет тек Android смартфондарында қол жетімді болады, өйткені iOS оперативтік жүйесінде қосымшалар үшін қоңыраулар тарихын оқу мүмкіндігі жоқ. Бұл жағдайда пайдаланушының өзі үшін қандай тексеру әдісі артық екенін таңдай алады.
Бұған дейін әзірлеушілер WhatsApp-ты бір есептік жазбаны пайдаланып төрт мобильді құрылғыда бір уақытта қол жетімді етуге уәде берген.
