Грант сомасы екі миллионнан бес миллион теңгеге дейін.
Нұр-сұлтан қаласының Инвестициялар және кәсіпкерлікті дамыту басқармасы жаңа бизнес-идеяларды іске асыру үшін мемлекеттік гранттарға конкурс жариялады, деп хабарлады елорда әкімдігі.
«Бизнестің жол картасы-2025″ бизнесті қолдау мен дамытудың мемлекеттік бағдарламасы бойынша гранттар шағын кәсіпкерлік субъектілеріне, оның ішінде экономиканың басым секторларында жұмыс істейтін ісін жаңа бастаған жас кәсіпкерлерге тегін негізде беріледі», – деп хабарлады әкімдіктің баспасөз қызметі.
Грант сомасы-екіден бес миллион теңгеге дейін. Байқауға қатысу үшін Qoldau цифрлық бизнес платформасына тіркелу қажет. Бұдан әрі үміткерлер бекітілген нысан бойынша өтінімді электрондық нысанда ұсынады. Содан кейін конкурстық құжаттаманы 28 маусым мен 12 шілде аралығында ұсыну қажет.
Байқау екі кезеңде өтеді:
Құжаттар тізбесін бағдарлвма шарттарына сәйкестігін тексеру.
Комиссия алдында бизнес-жобаны қорғау.
Қосымша ақпаратты Нұр-сұлтан қаласы әкімдігінің сайтынан, сондай-ақ uir.astana.kz сілтемесі бойынша оқуға болады.
