Жаңа жобаларды дамытуға қазақстандықтар 3 миллион теңге алады.
Бүгіннен бастап «Тәуелсіздік ұрпақтары» грантын тағайындау конкурсы басталды. Ғылым, мәдениет, бизнес, медиа және ақпараттық технологиялар саласындағы 14 жастан 29 жасқа дейінгі стартаперлер мемлекеттен өтеусіз қолдауға сенім арта алады. Биыл барлығы 30 грант бөлінеді. Олардың тағайындалуын арнайы құрылған комиссия бағалайды. Конкурстық өтінімдерді 21 қыркүйекке дейін беруге болады, олар жобаның сипаттамасын, бейнепрезентацияны және шығындар сметасын қамтуы тиіс.
Шахмардан Байманов ҚР АҚДМ жастар және отбасы істері комитетінің төрағасы:
— Грант алушы үш айда бір рет бізге жобаның іске асырылу барысы туралы есептік ақпаратты жіберуге тиіс. Өтінімде міндетті түрде мақала-жоба шығындарының сметасы болады, біз әлеуетті грант алушының осы қаражатты қайда жұмсағысы келетінін көреміз, мәселелер алқалы түрде шешілетін болады, өйткені ғылым саласындағы жобаларды мәдениет саласындағы жобалармен салыстыру қиын болады.
