75 мың талапкер білім гранттарын тағайындау бойынша конкурсқа қатысуға өтініш берді.
Құжаттарды қабылдау 16-26 шілде аралығында жүзеге асырылды. Байқау нәтижелері 15 тамызға дейін жарияланады.
Үміткерлер арасында 7 054 «Алтын белгі» иегері, 576 халықаралық және республикалық олимпиадалардың жеңімпаздары, сондай-ақ патриотизм мен белсенді азаматтық ұстанымы үшін ерекшелік белгісімен марапатталған 705 бала бар. Ұпайлар тең болған жағдайда олардың басым құқығы бар.
«Сонымен қатар, биыл Білім және ғылым министрлігі алғаш рет халықтың әлеуметтік осал топтарына квота бөлінді. Енді жетім балалар, ата-анасының қамқорлығынсыз қалған балалар, төрт және одан да көп кәмелетке толмаған балаларды тәрбиелеп отырған отбасылардан шыққан балалар, толық емес отбасылардан шыққан балалар, ерекше қажеттіліктері бар балаларды тәрбиелеп отырған отбасылардан шыққан балалар, жеңілдіктер мен кепілдіктер бойынша Ұлы Отан соғысының қатысушылары мен мүгедектігі бар адамдар жоғары оқу орындарына түсу үшін көбірек мүмкіндіктерге ие болады. Олар үшін арнайы гранттар бөлінген. Төрт және одан да көп кәмелетке толмаған балалар тәрбиеленетін отбасылардан шыққан балаларға гранттардың жалпы санының 5% – ы, осы мәртебесі кемінде үш жыл толық емес отбасылардан шыққан балаларға – 1%, І, ІІ топтағы мүгедектігі бар балаларды тәрбиелеп отырған отбасылардан шыққан балаларға білім беру гранттарының 1% — ы көзделген», — деп атап өтті ҚР Білім және ғылым министрлігі жоғары және жоғары оқу орнынан кейінгі білім беру департаментінің директоры Әділет Тойбаев.
Сондай-ақ ауыл жастары арасынан шыққан азаматтар үшін ауылдардың әлеуметтік-экономикалық дамуын айқындайтын мамандықтарға және ҚР азаматтары болып табылмайтын ұлты қазақ адамдарға квоталар көзделген.
Биыл Ұлттық бірыңғай тестілеуден 145 мыңнан астам талапкер өтті. ҰБТ қорытындысы бойынша шекті балды 88 мыңнан астам адам жинады, бұл қатысушылардың жалпы санының шамамен 60% — ы. Биылғы жылы орташа балл 69 балды құрады, бұл өткен жылмен салыстырғанда 5 балға жоғары.
Ұлттық жоғары оқу орындарында грантқа ҰБТ қорытындысы бойынша кемінде 65 балл, «педагогикалық ғылымдар» бағыты бойынша – кемінде 75 балл, «Денсаулық сақтау» бағыты бойынша – кемінде 70 балл, «Ауыл шаруашылығы және биоресурстар», «Ветеринария» бағыты бойынша − кемінде 60 балл, басқа жоғары оқу орындарына кемінде 50 балл жинаған талапкерлер үміткер бола алады.
Гранттар беру жөніндегі шешімді ағымдағы жылғы 10 тамызға дейін өтетін республикалық конкурс комиссиясы қабылдайды. Комиссия құрамына мемлекеттік органдардың, қоғамдық ұйымдардың өкілдері, журналистер, «Қазақстан студенттері Альянсының», «Отандастар» қорының өкілдері кірді.
