ҚР Тәуелсіздігініңе 30 жылдығына орай Жамбыл облысында ҰОС ардагеріне тұрғын үй берілді.
Соғыс ардагеріне пәтер кілтін Сарысу ауданының әкімі Марат Сұлтанғалиев тапсырды. Аудан басшысы ардагерге бейбіт өмір үшін алғысын білдіріп, зор денсаулық тіледі.
Қабыл Ибіжанов 1926 жылы туған.
1944 жылы Қызыл Армия қатарына шақырылып, Румыния, Болгария, Эстония, Архангельск облыстарын азат етуге қатысты. Соғыс аяқталғаннан кейін Сарысу аудандық дайындау мекемесінде статист, тұтыну одағы мекемесінде бухгалтер, жұмыспен қамту мекемесінде тексеруші және инспектор болып жұмыс істеді.
І дәрежелі Отан соғысы орденінің кавалері.
Соғыс ардагері бейбіт аспан, тұрақтылық пен өркендеу тіледі.
0
