Келесі демалыс күндері, 2-3 қазанда Нұр-Сұлтанда Қарағанды облысының ауыл шаруашылық жәрмеңкесі өтеді. Елорда тұрғындары ет, көкөніс және басқа да өнімдерді қолжетімді бағамен сатып ала алады.
Нұр-Сұлтан қаласы әкімдігінің хабарлауынша, жәрмеңкеге Қарағанды облысынан 126 шаруа қожалығы мен өңдеуші кәсіпорын қатысады. Облыс фермерлері елордаға 150 тонна ет, 20 тонна сүт өнімдері, 495 тонна картоп пен көкөніс, 200 мың дана жұмыртқа әкеледі. Барлығы 700 тоннаға жуық әр түрлі өнім жеткізу жоспарлануда.
Жәрмеңкені өткізу орны — «Хан Шатыр» сауда ойын-сауық орталығының жанындағы алаң (Д.Қонаев көшесінің Тұран даңғылымен қиылысы).
Жәрмеңке Нұр-Сұлтан қаласының тауарлар мен қызметтердің сапасын бақылау және қауіпсіздік департаменті ұсынған санитарлық нормаларға сәйкес өткізіледі.
