Павлодар облысының Успен ауданында 12 отбасы қоныс тойын тойлады.
«Успен ауданында 12 жаңа қоныс иелері пәтер мен үйдің кілтін алды», — деп жазды Павлодар облысы Успен ауданының әкімі Николай Дычко Instagram желісіндегі парақшасында.
Оның айтуынша, халықтың әлеуметтік осал топтарынан кезекте тұрғандар «Нұрлы жер» мемлекеттік тұрғын үй құрылысы бағдарламасының арқасында тұрғын үй сатып ала алды.
«Жерлестерімді айтулы оқиғамен құттықтаймын! Сіздердің үйлеріңізде әрдайым махаббат, қамқорлық пен өзара түсіністік орнасын, — деп толықтырды Н.Дычко. «Отбасыңызға амандық пен жылулық тілеймін».
Естеріңізге сала кетейік, Нұр-Сұлтанда Ш.Құдайбердіұлы көшесіндегі тұрғын үй кешенінің жаңа қоныстанушыларына пәтер кілттері табысталды. Бұл тұрғын үйде кезекте тұрған 200-ге жуық отбасы баспаналы болды.
