Әйелдер, жастар және мүгедектігі бар адамдар үшін жалпы квота 30% — ды құрайды.
Мәжіліс «Қазақстан Республикасындағы сайлау туралы» Конституциялық заңға және «саяси партиялар туралы» заңға түзетулер жобаларын мақұлдады.
Заң жобалары мүгедектігі адамдардың биліктің өкілді тармағындағы қатысуын қамтамасыз етуге және пікірін ескеруге, оларды мемлекеттің тыныс-тіршілігінде белсенді жұмысқа тартуға бағытталған. Түзетулерде әйелдер мен 29 жасқа дейінгі жастармен қатар мүгедектігі бар адамдардың партиялық тізімдерге қатысуын бекітетін норма көзделген. Жалпы алғанда, осы санаттағы өкілдердің саны партиялық тізімге енгізілген адамдардың жалпы санының кемінде 30% — ын құрауы керек. Мәслихаттар бұл норманы қозғамайды.
Заң жобасын талқылау кезінде Мәжіліс депутаты Аманжан Жамалов басқа елдердегі сияқты санаттардың әрқайсысы үшін бөлек квота белгілеуді ұсынды. Алайда, Әділет министрі Қанат Мусин квотаны бөлуге болмайтынын атап өтті.
«Квотаны санаттар бойынша бөлу саяси партияның құзыреті болып табылады. Әрбір саяси партия өз қызметінің саяси мақсаттары мен сайлаушылар алдындағы жауапкершілігін негізге ала отырып, алынған депутаттық мандаттарды бекітілген партиялық тізімдерді ескере отырып, дербес бөлетін болады. Квотаны пайыздарға бөлу мүмкін емес, өйткені халықтың өкілдігі, белгілі бір аймақтағы проблемалар, партияның саяси мақсаттары әртүрлі. Партияның өзі басымдықтарды өзі айқындауы тиіс», — деді Қанат Мусин.
Оның пікірімен Мәжіліс Төрағасы Нұрлан Нығматулин келісті.
