ҚР Еңбек және халықты әлеуметтік қорғау министрі 2022 жылғы 28 ақпандағы бұйрықпен жүріп-тұруы қиын бірінші топтағы мүгедектігі бар адамдар үшін жеке көмекшінің әлеуметтік қызметтерін ұсыну қағидаларын бекітті.
Жеке көмекшінің қызметтері Мемлекеттік бюджет қаражаты есебінен ұсынылады.
Бұл үшін жүріп-тұруы қиын бірінші топтағы мүгедектігі бар адамдар немесе олардың заңды өкілдері не мүгедектігі бар адамнан құжаттарды ресімдеу құқығына сенімхат алған адамдар тұрғылықты жері бойынша қажетті құжаттарымен қоса мынадай құжаттарды:
«Азаматтарға арналған үкімет» мемлекеттік корпорациясының филиалы;
Нұр-Сұлтан және Шымкент қалаларының жұмыспен қамту және әлеуметтік қорғау басқармалары, Алматы қаласының әлеуметтік әл-ауқат басқармасы, қалалық, аудандық жұмыспен қамту және әлеуметтік бағдарламалар бөлімдері;
«электрондық үкіметтің» веб-порталы;
ұялы байланыстың абоненттік құрылғысы-проактивті қызмет.
Бұл ретте проактивті қызмет арқылы ресімдеу кезінде өтініш талап етілмейді.
Қызметті алу үшін келесі мәліметтерді ұсыну қажет:
жеке басты куәландыратын құжат;
мүгедектікті белгілеу туралы;
ОЖБ-да әзірленген іс-шаралар туралы.
Ақпараттық жүйелерде мәліметтер болмаған кезде өтінішке қағаз жеткізгіштегі құжаттардың көшірмелері қоса беріледі.
Ұсынылған түпнұсқалармен салыстырғаннан кейін құжаттардың көшірмелерін өтінішті қабылдаған қызметкер куәландырады. Содан кейін тиісті құжаттардың қабылданғаны туралы қолхат немесе талон беріледі, құжаттардың түпнұсқалары өтініш берушіге қайтарылады.
Қалалық басқарманың, жұмыспен қамту бөлімінің маманы өтініштерді «Е-Собес» автоматтандырылған ақпараттық жүйесінің кезегінің электрондық журналына олардың түсу ретіне қарай тіркейді.
Бұл ретте жеке көмекшінің қызметі мүгедектігі бар адамды стационарлық емдеу және толық мемлекеттік қамтамасыз етуде болу кезеңіне тоқтатыла тұрады.
Құжат 2022 жылғы 15 наурыздан бастап қолданысқа енгізіледі.
