Денсаулық сақтау министрінің бұйрығымен мемлекет медициналық сақтандыру қорына жарналар төлейтін тұлғалар тізбесіне өзгерістер енгізілді.
Енді мемлекеттің МӘМС-ке жарналары үйқамақ түріндегі бұлтартпау шарасы қолданылған жұмыс істемейтін тұлғалар және бірінші топтағы мүгедектігі бар адамға күтім жасайтын жұмыс істемейтін тұлғалар үшін де төленетін болады.
Бұл тізімге мыналар кіреді:
балалар;
жұмыссыз ретінде тіркелген тұлғалар;
жұмыс істемейтін жүкті әйелдер;
баланы үш жасқа толғанға дейін тәрбиелеп отырған жұмыс істемейтіндер (баланың заңды өкілдерінің бірі);
жүктілікке және босануға, жаңа туған баланы асырап алуға, бала үш жасқа толғанға дейін оның күтіміне байланысты демалыста жүрген адамдар;
мүгедектігі бар баланы күтіп-бағуды жүзеге асыратын жұмыс істемейтін адамдар;
зейнетақы төлемдерін алушылар, оның ішінде Ұлы Отан соғысының ардагерлері;
қылмыстық-атқару жүйесі мекемелерінде (қауіпсіздігі барынша төмен мекемелерді қоспағанда)сот үкімі бойынша жазасын өтеп жүрген адамдар;
тергеу изоляторларындағы адамдар;
жұмыс істемейтін қандастар;
«Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар;
мүгедектігі бар адамдар;
орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар;
жұмыс істемейтін мемлекеттік атаулы әлеуметтік көмек алушылар.
Бұйрық 2022 жылғы 28 наурыздан бастап қолданысқа енгізіледі.
