Бейжіңдегі Паралимпиада ойындарының жүлдегері Александр Герлицке Солтүстік Қазақстан облысында бір бөлмелі пәтер беріледі.
«Паралимпиада ойындары-2016-дан Паралимпиада және Сурдлимпиада ойындарының жеңімпаздары мен жүлдегерлеріне ақшалай сыйақы олимпиада спортшыларының сыйақысымен теңестірілді.
Сондай — ақ, алдағы уақытта спорттық нәтижелерді ескере отырып, құрама жаттықтырушылар мен спортшылардың жалақысын көтеру мәселесі қаралады», — деді ҚР Мәдениет және спорт министрлігі Спорт және дене шынықтыру комитетінің басшысы Самат Ерғалиев. ОКҚ брифингінде ол сондай-ақ Бейжіңдегі Паралимпиада ойындарының қола жүлдегері Александр Герлицке бір бөлмелі пәтердің кілті табыс етілетінін хабарлады. «Бейжіңдегі Паралимпиада ойындарының қорытындысы бойынша спортшылар мен жаттықтырушыларға жалпы сомасы 131 млн теңге сыйақы төленеді, сондай-ақ «дене шынықтыру және спорт туралы» Заңға сәйкес Александр Герлицке бір бөлмелі пәтердің кілтін табыстаймыз», — деді Самат Ерғалиев.
