Еңбек және халықты әлеуметтік қорғау министрлігі медициналық-әлеуметтік сараптаманың сырттай форматындағы пилоттық жобаны жүзеге асырды, оның негізгі мақсаты мүгедектікті белгілеу тәртібін жеңілдету болып табылады.
Мемлекет басшысының 2021 жылғы 25 ақпанда Ұлттық қоғамдық сенім кеңесінің бесінші отырысында берген тапсырмасын орындау аясында медициналық-әлеуметтік сараптаманың (МӘС) қашықтан форматының пилоттық нұсқасы жүзеге асырылуда.
«Мүгедектігін белгілеу, жәрдемақы және оңалтудың техникалық құралдарын алу кезінде мүгедектігі бар жандар әртүрлі органдарға жүгінуге мәжбүр болды. Алдымен мүгедектігі бар адам медициналық мекемеге тексерілуге барады, содан кейін қағаз құжаттарымен МӘС бөліміне мүгедектікті белгілеуге барады. Осыдан кейін жәрдемақы тағайындау туралы өтініш автоматты түрде мемлекеттік корпорацияға жіберіледі және мүгедектігі бар жанды оңалту мекемелеріне жүгіну және әлеуметтік қызметтерді алу үшін жергілікті атқарушы органдардың жұмыспен қамту және әлеуметтік бағдарламалар бөліміне хабарласуы қажет», — деді. Еңбек министрлігінің әлеуметтік қорғау және көші-қон комитетінің МӘС басқармасының басшысы Анар Ерембаева.
Мүгедектігі бар жандардың әртүрлі инстанцияларға айналымын жою, қағазбастылықты жою мақсатында МӘС-тің сырттай форматындағы пилоттық жобасы енгізілді, оның негізгі мақсаты көрсетілетін қызметті алушының тек медициналық мекемеге жүгіну жолымен мүгедектікті белгілеу рәсімін оңайлату болып табылады.
Сырттай куәландыруға көшу көрсетілетін қызметті алушының көрсетілетін қызметті берушімен тікелей байланысын болдырмайды, осылайша сыбайлас жемқорлық тәуекелдерін төмендетеді;
МӘС сараптамалық шешімдерінің ашықтығын қамтамасыз етеді;
мүгедектікті белгілеу және мүгедектігі бар жандарды әлеуметтік қорғау шараларын айқындау бойынша мемлекеттік қызметтерді көрсетудің бизнес-процесін автоматтандырады;
әкімшілік және бюрократиялық кедергілерді жояды.
Басқарма басшысы толықтырғандай, пилоттық жоба барлық 17 өңірде іске қосылды. МӘС иесіздендірілген медициналық құжаттар негізінде әртүрлі аймақтардың эксаумақтық сарапшыларымен жүргізіледі.
«Жалпы, бұл кешенді тәсілмен тексерілуден өткендер санының 20%-ға дейінгі мүмкіндігі шектеулі жандарды қамту жоспарланған болатын.4 шілдедегі жағдай бойынша сырттай куәландыру бойынша барлығы 26 мыңнан астам өтінім келіп түсті, бұл көрсетілген мемлекеттік қызметтердің 21,4% — ын құрады», — деп түсіндірді Анар Ерембаева.
27 маусымда Мемлекет басшысы «Қазақстан Республикасының кейбір заңнамалық актілеріне мүгедектігі бар жандардың өмір сүру сапасын жақсарту мәселелері бойынша өзгерістер мен толықтырулар енгізу туралы» Заңға қол қойды, онда медициналық-әлеуметтік сараптаманы сырттай жүргізу нормасы көзделген.
