Елордада Amanat партиясының мүшелері қоғамдық бірлестіктермен бірлесе отырып, мүмкіндігі шектеулі жандар үшін қалалық автобустардың қолжетімділігін тексеру мақсатында арнайы рейд жүргізді.
Республика даңғылы мен Кенесары көшесі бойындағы аялдамаларға жүргізілген рейд барысында қоғамдық көліктердің жұмысындағы бірқатар кемшіліктер анықталды.
– Автобуста мүмкіндігі шектеулі жандарға арналған орындықтардың болуымен қатар қауіпсіздік белдіктері мен тежегіш шамдардың жұмыс істеуі маңызды. Ескі көлікте мүмкіндігі шектеулі жандарға арналған пандустар жоқ. Жаңа электробустарда пандустар мен механизмдердің көпшілігі жұмыс істейді. Дегенмен, қауіпсіздік белдіктері жоқ жағдайлар бар. Сондай-ақ, жүргізушілер арбаға таңылған адамды бет жағымен кіргізіп, арқа жағынан шығару керектігін ескертеді. Бұл көлікке кіру және шығу кезіндегі қауіпсіздік ережелеріне байланысты, – дейді «Мүгедектігі бар жандар» қоғамдық бірлестігінің атқарушы директоры Ардақ Отарбаев.
