Биылғы күзге жоспарланған Ханчжоу-2022 IV Азия Паралимпиада ойындары 2023 жылдың 22-28 қазаны аралығында Ханчжоу қаласында (Чжэцзян провинциясы, Шығыс Қытай) өтеді. Бұл туралы сәрсенбі күні таратылған Азия паралимпиада комитетінің хабарламасында айтылған.
Хабарламада айтылғандай, Азия паралимпиада ойындарының ұзақтығы өзгеріссіз қалады және әдетте олар Азия ойындары аяқталғаннан кейін екі аптадан кейін өткізіледі.
ХІХ Азия ойындары Ханчжоу қаласында 2023 жылдың 23 қыркүйегі мен 8 қазаны аралығында өтеді.
Қытай екінші рет Азия Паралимпиада ойындарын қабылдайды. Қытайда алғаш рет Азия Паралимпиада ойындары 2010 жылы Гуанчжоуда өтті.
Бұрын хабарланғандай, мамыр айында Ханчжоуда өтетін ХІХ Азия ойындары мен Азия Паралимпиада ойындарын кейінге қалдыру туралы шешім қабылданған болатын.
