Мүгедектігі бар адамды абилитациялаудың және оңалтудың жеке бағдарламасына сәйкес жүріп-тұруы қиын бірінші топтағы мүгедектігі бар адамдар жеке көмекшінің қызметтерімен қамтамасыз етіледі (Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы № 26 бұйрығы).
Мүгедектігі бар адамдар Әлеуметтік қызметтер порталы (aleumet.egov.kz) (бұдан әрі — Портал) арқылы жеке тұлға немесе үкіметтік емес ұйымдар (ҮЕҰ) ұсынылған жеке көмекшіні (қызмет көрсетушіні) дербес таңдай алады.
Портал әрбір жеке көмекшіге Порталда жеке тіркелуге мүмкіндік береді.
Өнім берушіге ақы төлеу өтініш беруші тапсырыс қабылданғаны туралы өнім берушінің хабарламасын алған күннен бастап нақты көрсетілген уақыт үшін жүзеге асырылады.
МАҢЫЗДЫ!
Жеке көмекшінің қызметтерімен қамтамасыз ету стационарлық емделу және толық мемлекеттік қамсыздандыруда болуы кезеңіне тоқтатыла тұрады.
Міндеттері тиісінше орындалмаған жағдайда, актіге және ілесіп жүру парағына қол қойылғаннан кейін, мүгедектігі бар адамдар Өнім берушіні басқа өнім берушімен (жеке көмекшімен немесе ҮЕҰ) алмастыра отырып, өнім берушінің қызметтерін одан әрі ұсынудан бас тарта алады.
Толық ақпарат алу үшін «Жанұя» отбасы институтын қолдау орталығына мына мекенжай бойынша хабарласуға болады: Астана қаласы, Бейбітшілік көшесі, 14 үй, (ЭЦҚ болуы міндетті), байланыс нөмірі: 27-23-23.
