Мемлекет басшысы Қасым-Жомарт Тоқаев Қазақстан Республикасының Әлеуметтік кодексіне қол қойды.
Кодекстің мәтіні баспа түрінде жарияланады.
Сенат 16 наурызда Әлеуметтік кодекс жобасын қабылдады.
Кодексте қазақстандықтарды әлеуметтік қолдаудың жеті негізгі бағыты, жұмыспен қамтуға жәрдемдесу және зейнетақымен қамсыздандыру шаралары көрсетілген:
балалары бар адамдарды (отбаларын) әлеуметтік қолдау;
халықты жұмыспен қамтуға жәрдемдесу шаралары;
кедейлік шегінен төмен тұратын отбасыларға атаулы әлеуметтік көмек;
арнаулы әлеуметтік қызметтер;
мүгедектігі бар жандарды әлеуметтік қорғау;
зейнетақымен қамтамасыз ету;
азаматтардың жекелеген санаттарын, оның ішінде асыраушысынан айырылғандарды әлеуметтік қолдау.
Қазір бұл мәселелер әлеуметтік кодекстің қабылдануымен жойылатын тоғыз тәуелсіз заңмен реттеледі. Сонымен бірге, жаңа кодекс бүгінде бюджет қаражаты есебінен де, мемлекеттік әлеуметтік сақтандыру қорынан да қолжетімді барлық әлеуметтік кепілдіктер мен әлеуметтік қолдау нысандарының сақталуын қамтамасыз етеді.
Жаңа кодекс бүгінде бюджет есебінен де, мемлекеттік әлеуметтік сақтандыру қорынан да әлеуметтік қолдаудың барлық әлеуметтік кепілдіктері мен нысандарын сақтауды қамтамасыз етуге арналған.
Құжат 4 жаңа ережені қамтиды:
мемлекеттік қолдау зардаптарды жоюға емес, қиын өмірлік жағдайлардың алдын алуға көбірек бағытталатын болады;
әлеуметтiк қызмет көрсетудiң қазiргi уақытта қолданылып жүрген декларациялық нысанынан оларды көрсетудiң айқындаушы нысанына және проактивті форматына көшуiн қамтамасыз ететiн әлеуметтiк саланы цифрландыруды тереңдету;
азаматтардың әлеуметтік қамсыздандырылуына жауапкершілік тек мемлекетке ғана емес, сонымен қатар жұмыс берушілер мен азаматтардың өздеріне жүктелетін болады;
әлеуметтік сақтандыру жүйесін дамыту жөніндегі шаралар өнімді және ресми жұмыспен қамтуды ынталандыруға бағытталатын болады.
