Мәжіліс депутаты Қарақат Әбден бала асырап алған отбасыларға ай сайын 1 миллион теңге төлеуді ұсынды.
Оның пікірінше, Қазақстанда балалар үйінің санын қысқарту, тіпті толықтай жабу керек. Депутат ең алдымен бала асырап алғысы келетін қазақстандықтарға жағдай жасалуы керек деп есептейді.
«Балалар үйлері балаларды патронаттық отбасыларға бергілері келмейді, өйткені мемлекет әр балаға қомақты қаржы бөледі. Мәселен, балалар үйіндегі бір балаға мемлекет айына 600 мыңнан 1 миллион теңгеге дейін бөледі. Бұл қаражатты бала асырап алғысы келетін отбасыларды қолдауға бағыттасақ, оның оған пайдасы әлдеқайда көп болады», – дейді Қарақат Әбден.
Мәжілісмен балалар үйінің жұмыс жүйесін өзгерту және оны ауыр науқас балалар тәрбиеленетін оңалту орталығы ретінде қайта құру қажет екенін айтты.
