Құжаттар орталық кассада қабылданады.
20 мамырда Астанада атаулы жеңілдікті мен мектеп көлігіне арналған карталарды беру және қайта шығару қайта басталады. Р.Қошқарбаев даңғылы, 50/1 мекенжайындағы орталық кассада жолаушылардың жеңілдетілген және мектеп санаттары үшін көлік карталарын бастапқы шығаруға және қайта шығаруға құжаттарды қабылдау әдеттегідей өтеді, деп хабарлайды қалалық мониторинг және жедел жауап беру орталығы.
«Бұрын көлік карталарын шығаруға құжат тапсырған пайдаланушыларға «City Transportation Systems» ЖШС қызметкерлері қоңырау шалады. Өтініш берген кезде көлік картасын жеткізуге тапсырыс бергендер де картаны алу үшін орталық кассаға өз бетінше жүгіне алады, өйткені өтінімдердің көптігіне байланысты жеткізу уақыты кешігуі мүмкін»,- делінген хабарламада.
Орталықтың мәліметінше, Transcard.kz сайтында жасалған өтініштер кезектілік тәртібімен өңделеді. Көлік картасының дайындығы туралы ақпарат өтінімді ресімдеу кезінде көрсетілген электрондық мекенжайға жіберіледі.
Жолаушыларға уақытша мерзімге берілген талон көлік картасын алғаннан кейін қайтарылуы тиіс екені ескертіледі.
