Атырауда прокуратура жетім және ата-анасының қамқорлығынсыз қалған 11 баланың құқығын қорғады.
«Атырау қаласының прокуратурасымен жүргізілген тексеру барысында 11 жетім және ата-анасының қамқорлығынсыз қалған баланың мемлекеттік тұрғын үй қорынан тұрғын үй алуға есепте тұрмағаны анықталды. Нәтижесінде балалар үйінен шығару кезінде уәкілетті органдардың әрекетсіздігіне байланысты жетімдер заңға сәйкес тұрғын үйсіз қалуы мүмкін.
Прокурорлық ден қою шаралары бойынша барлық 11 адам тиісті есепке алынды», — деп хабарлады қалалық прокуратураның баспасөз қызметі.
Кәмелетке толмағандардың құқықтары мен заңды мүдделерінің сақталуы прокурорлық қадағалаудың басым бағыттарының бірі болып табылады. Жетім балалар мен ата-анасының қамқорлығынсыз қалған балалар Қазақстан Республикасының заңнамасына сәйкес басым тәртіппен тұрғын үймен қамтамасыз етіледі.
Сондай-ақ заңнамада ата-анасының қамқорлығынсыз қалған жетім балаларға коммуналдық тұрғын үй қорынан тұрғын үйдің жалпы көлемінің кемінде 20 пайызы бөлінетіні көзделген.
