Алматы облысында дәл қонуға арналған парапланнан әлем кубогы басталды. Іріктеу жарыстарына Азия мен Еуропаның 20 елінен 15 пен 78 жас аралығындағы 100-ден астам спортшы қатысуда.
Жарыс 3 күнге созылады. Жартылай финал мен финал 18 маусымда өтеді. Ұйымдастырушылар параплан спортты аймақтағы туризмнің дамуына септігін тигізетініне сенімді.
Игорь Виршки, Қазақстан Республикасы Парапландар федерациясының президенті:
— Жарысқа Еуропа, Азия елдері қатысуда. Ал алдағы уақытта бұл жарыстар тек қана қарқын алады, спортшылар көбейеді деп сенімдімін, өйткені біздің қазақстандық қонақжайлылығымызды барлығы өте жоғары бағалауда. Бұл жарыстарға Қазақстаннан 20-ға жуық спортшы қатысады, ал қалғандары шетелдік спортшылар.
Матьяж Слуга, жарысқа қатысушы: — Бұл спорт түрімен айналысқаныма 43 жыл болды. Осы елге 4-ші рет келіп тұрмын. Маған бұл ел өте ұнады. Бұл жерде желдің бағыты үнемі өзгеріп отырады, бұл жарысты қиындатады, бірақ соған қарамастан жарысты қызықты етеді. Мен шынымен жеңіске жетемін деп үміттенемін!
