24 тамызда Астанадағы Қалалық бос жұмыс орындары жәрмеңкесі алаңында «Қуатты өңірлер – ел дамуының драйвері» Ұлттық жобасы аясында азаматтарға Қарағанды, Солтүстік Қазақстан, Ұлытау және Павлодар облыстарына қоныс аудару бойынша кеңестер беріледі, деп хабарлайды елорда әкімдігінің ресми сайты.
Шара «Жастар» сарайында сағат 14.30-17.00 аралығында өтеді.
Өңіраралық қоныстандыру жұмысшы күші көп аймақтардан жұмыс күші жетіспейтін өңірлерге жұмысқа орналасуға немесе кәсіпкерлік бастаманы дамытуға жәрдемдесудің міндетті шартымен жүзеге асырылады. Өз еркімен қоныс аударатындарға мемлекеттік қолдау көрсетіледі:
1) адамдарға және олардың отбасы мүшелеріне материалдық көмек көрсету;
2) қызметтік тұрғын үйлерді немесе жатақханалардағы бөлмелерді беру;
3) кәсіптік оқыту;
4) жұмыспен қамтуға және кәсіпкерлік бастамаға жәрдемдесу және т.б.
Сондай-ақ ағымдағы жылдың 25 тамызында Еңбек ұтқырлық орталығында (Мансап орталығы) сағат 09:00-ден 17:00-ге дейін қоныс аудару бойынша шағын жәрмеңке өтеді.
