Астанада өңірлерден келген тауар өндірушілердің қатысуымен ауыл шаруашылығы өнімдерінің жәрмеңкелері басталады. Олар 2 қыркүйек пен 29 қазан аралығында әр сенбі және жексенбі күндері өтеді.
Астанада бірінші болып Түркістан облысының диқандары өз өнімдерін ұсынбақ. Облыстан 70-тен астам ауыл шаруашылығы тауар өндірушілері 556 тонна өнім әкелетін болады: ет (жылқы, қой, сиыр, құс еті) және ет өнімдері, көкөністер, жемістер, сүт өнімдері (қымыз және шұбатты қоса алғанда), асқабақ, бал, жеміс-жидек. шырындар мен консервіленген өнімдер, балық, жұмыртқа және нан-тоқаш өнімдерін әкеледі. Барлық өнімдер нарықтық бағадан төмен бағамен сатылатын болады.
Айта кетейік, биыл ауылшаруашылық жәрмеңкесінің өтетін орны өзгерді. Ол «Барыс Арена» мұз сарайына қарама-қарсы аумақтан ҚазҰӨУ алдындағы алаңға (Тәуелсіздік даңғылы, 50) көшті.
Естеріңізге сала кетейік, елордада демалыс күндер жәрмеңкелері өткізіледі. Олар сенбі және жексенбі күндері өтеді. Жәрмеңкеге жақын маңдағы аудандардан азық-түлік тауарларын көтерме жеткізушілер мен шаруа қожалықтары қатысады.
