Ағымдағы жылдың маусым айында Францияның Вичи қаласында өткен зияткерлік даму ерекшеліктері бар адамдарға арналған VI Дүниежүзілік VIRTUS ойындарына қатысқан елордалық спортшы Дастан Ордабай спорт шебері біліктілігін иеленді.
Велотректің төрт қашықтығында өнер көрсеткен жерлесіміз ел үшін 4 күміс медаль жеңіп алды.
Екінші орын алған астаналық спортшыға кеше «Велоспорттан спорт шеберіне үміткер» спорттық разряды табыс етілді.
Зияткерлік қабілеті шектеулі жандар спорты федерациясының президенті Дина Батырғалиқызының айтуынша, мұндай спорттық разряд интеллектуалдық дамуында ауытқуы бар спортшыларға Қазақстанда алғаш рет беріліп отыр.
«Бұл Дастан үшін тағы бір үлкен жеңіс пен жетістік, сондай-ақ Қазақстандағы интеллектуалды мүмкіндіктері шектеулі адамдар үшін спортты дамытудағы тағы бір үлкен қадам. Қазақстан құрамасы, жалпы Астана қаласының спортшылары «Sport Qory» спортты қолдау қорының, «Самұрық-Қазына» АҚ және қалалық спорт басқармасының қолдауының арқасында Дүниежүзілік ойындарға қатысты», — деп атап өтті Федерация президенті Дина Темірғалиева.
«Virtus Global Games 2023» интеллектуалды мүмкіндіктері шектеулі адамдарға арналған Дүниежүзілік ойындар төрт жыл сайын өткізіледі. Қазіргі уақытта Virtus ұйымына 90 мемлекет кіреді.
