«Күміс жас» жобасы аясында 50 жастан асқан қазақстандықтар Skills Enbek платформасында болашақта жұмысқа орналасу үшін жаңа дағдыларды тегін меңгере алады. Арнайы бөлім бір ай бұрын құрылып, осы уақыт ішінде оған 2,9 мыңнан астам жоба қатысушысы тіркеліп, олардың 2,1 мыңы оқудан өтіп, сертификат алды.
Осы санаттағы азаматтардың арасында ең танымалы — мүгедектігі бар адамдардың жеке көмекшісі болғысы келетіндерге немесе мүгедектігі бар немесе созылмалы ауруы бар отбасы мүшесіне көмектескісі келетіндерге арналған кәсіби курстар.
Сондай-ақ, жобаға қатысушылар бройлер өсіру, жылыжайларда лимон, ара шаруашылығы және т. б. өсіруге байланысты курстарда оқуды жөн көреді.
Skills Enbek платформасындағы «Күміс жас» қойындысында ақпараттық технологиялар, ауыл шаруашылығы, қаржы, білім, әлеуметтік қызметтер, маркетинг және туризм сияқты салалар бойынша 120-дан астам курстар бар.
Пайдаланушыларға курсты аяқтағаны туралы сертификат беріледі, ол Enbek.kz жұмыспен қамту порталында олардың түйіндемесінде автоматты түрде көрсетіледі. Қызметкерлерді іздеу кезінде жұмыс беруші өтініш берушінің түйіндемесінде қолда бар сертификаттар мен алған дағдыларын көреді.
