64 жастағы Ұйымхан Қалибек 5 жыл бойы ревматоидты полиартритпен ауырған. Науқастың айтуынша, ол консервативті ем қабылдаған, бірақ қолданылған емдеу әдістері тиімсіз болды. Әйел қатты ауырсынудан зардап шекті. Ал соңғы 3 жылда ол мүлде жүруді қойды, тек мүгедектігі бар жандар арбасында қозғалды. Зейнеткерге диагноз қойылды: «Жүйелі остеопороз. 3-4 дәрежелі, оң жақтағы деформациялық гонартроз» және хирургиялық емдеу ұсынылды.
Зейнеткер қытайда тұрған, бірнеше жыл бұрын оның отбасы тарихи отанына, Шығыс Қазақстан облысына көшіп келген. Медициналық көмек алу үшін ол Қазақстан мен Қытайдың әртүрлі клиникаларына жүгінді, бірақ олардың кейбіреулері қажетті хирургиялық араласудың үлкен көлеміне байланысты бас тартты, ал басқаларында зейнеткерге ота жасау үшін қолжетімсіз шығын керек болды. Жоспар бойынша жетінші аурухананың ортохирургия бөліміне жатқызылып, міндетті әлеуметтік медициналық сақтандыру жүйесі есебінен тегін ота жасалды.
«Біздің емханада артқы тұрақтандырғышпен тізе буынын эндопротездеу отасы дайындалып, жүргізілді. Отаның күрделілігі ревматоидты полиартрит пен ауыр остеопороз салдарынан сүйектің сыну ықтималдығының жоғары қаупі болды. Бірақ біз жеңдік, өйткені дұрыс хирургиялық емдеу әдісі таңдалып, ота жоспар бойынша өтті. Отадан кейінгі келесі күні науқастың денсаулығы жақсарды», — дейді бөлімшенің ортопед дәрігері Ерлан Әміров.
Дәрігердің айтуынша, отадан кейінгі кезеңде үш жыл бойы дерлік қозғалмай тұрған аяқты түзету біраз қиындық туғызған. Ортохирургия бөлімшесінің жағдайында жүргізілген оңалтудың ерте кезеңінің арқасында операцияның тамаша нәтижесін бекітуге мүмкіндік туды, науқас өз аяғымен ауруханадан шығарылды.
Үйімхан апа жұбайымен емхана басшылығы мен медицина қызметкерлеріне жылы лебіздерін білдірді.
«Әйелім 3 жыл жүре алмай, арбаға таңылды. 7-ші Қалқаман қалалық ауруханасының, сәтті отасының арқасында, одан кейін 3 күннен кейін ол қатты ауырсынудан құтылып қана қоймай, қайта серуендеуге қуанышты мүмкіндікке ие болды!» – деп алғысын білдірді науқастың күйеуі.
