Астанада «Еңбек ұтқырлығы орталығы» КММ 2023 жылғы 9 қарашада сағат 14.30-дан 17.00-ге дейін «Жастар» сарайында өтетін бос орындар жәрмеңкесін өткізеді, деп хабарлайды қала әкімдігінің ресми сайты.
Жәрмеңкеде қала аумағында орналасқан мемлекеттік мекемелер мен кәсіпорындардағы тұрақты және уақытша жұмыс орындарына бос жұмыс орындары ұсынылады.
Жәрмеңкеге құрылыс, білім, медицина, сауда, көлік-логистика, қаржы және т.б салалардағы жұмыс берушілер қатысады. Олардың қатарында: «Отбасы банк» АҚ, «Центр ипотеки Астана» ЖШС, «QazaqZher» ЖШС, «Астана Тазалық» ЖШС, «Банк ЦентрКредит» АҚ Астана қаласындағы филиалы және басқа да көптеген компаниялар бар.
Сондай-ақ, шара аясында «Жастар практикасы», «Алғашқы жұмыс», «Ұрпақтар келісімшарты» бағдарламалар кәсіптік оқыту және «enbek.kz» порталымен жұмыс істеу бойынша түсіндіру жұмысы жүргізіледі.
