Ақтөбелік тұрғын қала орталығындағы қоғамдық көшедегі дәретхананы пайдалана алмағанына байланысты облыстық әкімдік пен Ақтөбе қаласының тұрғын үй-коммуналдық шаруашылық бөлімін сотқа берді.
Талапкер өзінің талап арызында 3 және 18 маусым күндері Абай бульварында болғанын және сол жерде стационарлық дәретхананы пайдаланғысы келгенін, бірақ сол уақытта жабық екенін көрсеткен. Талапкер тұрғын үй-коммуналдық шаруашылық бөлімінің оған берген жауабында аталған дәретханалар жұмыс істеп тұрғанын хабарлағанына ашуланды. Ол мемлекеттік органдардан 300 мың теңге төлеуді талап етті, өйткені дәретханалар жабық болуына байланысты ұзақ уақыт бойы дәрет сындырмай тартынып жүру салдарынан ол физикалық ауырсыну мен жайсыздықты сезінген. Ер адам тіпті жабық дәретханаларды видеоға түсіріп алған, бұл жазбалар сотта қарастырылған. Сот дәретханалар мердігерін де жауапқа тартты. Ол аталған күндері кәрізді тазарту жұмыстары жүргізілгенін, бірақ сағат 16.00-де жуынатын бөлмелер жақсы жағдайда жұмыс істеп тұрғанын түсіндірді.
Сот талапкердің ұзақ уақыт бойы дене ауыруы немесе денсаулығына зиян келтіргені туралы дәлелдемелерді ұсынбағандықтан, талапкердің әкімдікке және тұрғын үй-коммуналдық шаруашылыққа қойған талаптарын қанағаттандырмады.
Талапкер апелляциялық шағым түсіріп, онда сот шешіміне қарсылық білдірген.
Облыстық сот бірінші сатыдағы соттың шешімін өзгеріссіз қалдырды. Бұған қоса судьялар облыс әкіміне жеке ұйғарым шығарып, онда тұрғын үй-коммуналдық шаруашылық бөлімінің мердігердің жұмысына бақылау жасамайтынын және құбырларды жөндеу немесе тазалау жұмыстары жүріп жатқаны туралы хабарландыру жазбағанын атап өтті..
Дәретханада ешқандай ескертулер, тіпті бұл әжетхана деген белгі де жоқ. Ал тұтқасы сынған көріксіз ғимараттың өзі әрқашан лас болып келген және көптеген ақтөбеліктердің ойынша, саябақтың көркін ғана бұзып тұр екен.
Бұған дейін тұрғын үй-коммуналдық шаруашылық бөлімі Абай даңғылындағы әжетхананы ұстауға айына 120 мың теңге бөлінгенін хабарлаған болатын. Жазда ол жерде кәріз құбыры жарылып, дәретхана жұмыс істемейді, келесі жылы олар ақауларды жойылады.
