Астанада 24 желтоқсанда Триатлон саябағында жыл сайынғы QYSQY JUGIRU жарысы өтеді. Жарыстың негізгі қашықтығы – 10 шақырым, деп хабарлайды елорда әкімдігінің ресми сайты.
Байқауға 18-29 жас, 30-39 жас, 40-49 жас, 50-59 жас, 60 жас және одан жоғары жастағы жоғарыда аталған қашықтықты еңсере алатын қызығушылық танытқандар (ерлер мен әйелдер) шақырылады.
Ұйымдастырушылардың айтуынша, жарыстың мақсаты – елордада бұқаралық спортты кеңінен дамыту, қала тұрғындары мен қонақтары арасында салауатты өмір салтын насихаттау, ұлт денсаулығын нығайту.
Мәреге жеткен әрбір қатысушы медальмен марапатталады, ал әр жас категориясы бойынша жеңімпаздар сертификаттармен марапатталады.
Старт пакеттері Б.Момышұлы даңғылы, 2б, №1 кабинетте ұсынылады.
Қатысушыларды тіркеу www.astanatriathlon.kz сайтында жүзеге асырылады.
Айта кетейік, егер қатысушылар саны шекке жетсе, тіркеу алдын ала жабылуы мүмкін.
Жарыс туралы барлық ақпарат Астана қалалық триатлон федерациясының @astana_triathlon әлеуметтік желілердегі парақшасында жарияланады.
