Астана әкімі Жеңіс Қасымбек Instagram желісіндегі парақшасында азаматтар білім алып, кеңес алып, жұмыс таба алатын JOLTAP жобасы туралы айтты, деп хабарлайды елорда әкімдігінің ресми сайты.
«Өмір сапасы көп жағдайда алған мамандығы мен жұмысқа байланысты. Бірақ, өкінішке орай, барлық қала тұрғындары қалаған немесе басқа мамандыққа ие бола алмады. Біздің міндетіміз – сізге нарықта қажетті дағдыларды алуға және жұмысқа орналасуға көмектесу.
Қыркүйекте біз «JOLTAP» әлеуметтік жобасын іске қостық. Жоба мемлекеттік қолдау шаралары, атаулы әлеуметтік көмек, кәсіп ашуға өтініш беру, оқыту, жұмыс іздеу мәселелері бойынша тегін кеңес алуға мүмкіндік береді.
JOLTAP жобасы аясында қала тұрғындары екі қысқа мерзімді бағдарлама бойынша тегін білім алады.
Бірінші бағдарлама тігінші, наубайшы, сатушы-кассир, әмбебап тамақтандыру қызметкері, бариста сияқты 5 жұмысшы мамандықты дайындауға арналған.
Екінші бағдарлама – «Freelance Mumkindik» 7 сандық дағдылар бойынша оқытуды қарастырады: таргетолог, SMM, видеограф, маркетплейс, мобилограф, графикалық дизайнер және веб-дизайнер (веб-сайтты әзірлеу).
Әкім сыныптарды аралап, бағдарламаға қатысушыларымен әңгімелесті. Жоба аясында қатысушылар тек теориялық емес, практикалық білім де алады. Сондай-ақ оларға сертификаттар беріліп, жұмысқа орналасуға көмек көрсетіледі. Оқыту ұзақтығы бағдарламаға байланысты он күндік курстан бір жарым айға дейін өзгереді.
JOLTAP жобасы Мемлекет басшысының нәтижелі жұмыс орындарын құруға баса назар аудара отырып, белсенді және болжамды әлеуметтік саясат жүргізу қажеттілігі туралы тапсырмасын орындау мақсатында жүзеге асырылуда.
Кез келген адам жоба құралдары туралы толық ақпаратты «Баршаға Мүмкіндік» модульдік пункттерінде мына мекенжайлар бойынша ала алады:
«Жастар» сарайы, Республика даңғылы, 34;
«Тұлпар» сауда орталығы, Ш.Уәлиханов көш., 24;
«Euromall» СҮ, Қосшығұлұлы көш., 24;
«Айланд» сауда орталығы, Қорғалжын тас жолы, 2;
«Встрача» СҮ, Абылай хан даңғылы, 31;
«Мечта» СҮ, көш. Сығанақ, 3;
«Азия Парк» сауда орталығы, Қабанбай батыр даңғылы, 21;
«Magnum» супермаркеті, Еділ көш., 26;
«Саянұр» базары Тілендиев даңғылы, 24/5;
«Үлкен Шанхай» сауда үйі Алаш тас жолы, 32а.
Тұрғындарға ыңғайлы болу үшін ағымдағы бос орындар орналастырылатын «JUMYS TAP» (@jumystap_bot) Telegram боты да іске қосылды», — деп жазады елорда әкімі.
