Мереке қарсаңында кезекте тұрған екібастұздықтарға жаңа ғимараттан пәтер кілттері табыс етілді. Олар үшін бұл көптен күткен оқиға.
Жақында Марденова, 20 мекенжайында орналасқан 72 пәтерлі тоғыз қабатты үй пайдалануға берілді.
Бүгін жетім балалар, мүгедектігі бар балаларды тәрбиелеп отырған отбасылар, көп балалы және мүгедектігі бар жандар жаңа ғимараттан пәтер кілттерін алды. Барлығы 40 отбасы.
«Шаңырақ» және «Бақытты отбасы» бағдарламалары бойынша «Отбасы банк» кезекте тұрғандар үшін тағы 32 пәтер сатылады.
«Біз халықтың әлеуметтік осал топтарын баспанамен қамтамасыз етуге ерекше көңіл бөлеміз және бұл бағыттағы жұмысты жалғастырамыз. «Жаңа тұрғындарды шын жүректен құттықтаймын және бұл пәтерлер қуаныш, жайлылық пен амандық әкелсін», — деді облыс әкімі Асайн Байханов жаңа тұрғындарға.
