«Нұрлы жүрек» әлеуметтік орталығында иппотерапия көмегімен емделеді.
Бұл туралы Дене шынықтыру және спорт басқармасы хабарлады. Енді «Нұрлы жүрек» әлеуметтік қызмет көрсету орталығының тәрбиеленушілері иппотерапиядан өте алады.
Оңалтудың бұл түрі өткен жылдың 1 қазанында басталған. Пилоттық жобаға 72 бала қатысып, емделді. Қазір мұнда 100-ден астам бала тұрақты келеді.
Сауықтыру кешенінде 20-ға жуық жылқы бар, оның 10-ы сауықтыру шараларына белсенді қатысады.
«Орталық мінезі байсалды 20 жылқыны арнайы іріктеп алды. Қазір орталықта 10 жылқы сауықтыру шараларына белсенді қатысуда. Әр жылқы күніне 2 сағаттан халыққа қызмет көрсетеді», — деді Астана қалалық Дене шынықтыру және спорт басқармасының баспасөз хатшысы Мәдина Айтқалиева.
Иппотерапияны қажет ететін балаларға арналған оңалту сабақтарын осы салада қажетті білім алған реабилитолог дәрігерлер жүргізеді.
