Оқу-ағарту министрлігі білім беру ұйымдарының желісі бойынша кепілдендірілген мемлекеттік стандартқа халықтың тығыздығы мен елді мекендердің шалғай орналасуына байланысты түзетулер дайындады.
Атап айтқанда, нормативке әрбір елді мекенде білім алушылар мен тәрбиеленушілердің, олардың ата-аналарының (заңды өкілдерінің) қосымша білім алу қажеттілігін қанағаттандыру үшін қосымша білім берудің Мемлекеттік ұйымының жұмыс істеуіне кепілдік берілетінін көздейтін тармақ қосылды.
Түсіндіргендей, толықтыру балалардың қосымша білім алуға тең қолжетімділік құқығын жүзеге асыру шеңберінде жүзеге асырылуда.
Бұған дейін үкімет балаларды қосымша біліммен қамтуды 2027 жылға қарай 100 пайызға жеткізу міндетін қойған болатын. Қазіргі таңда балаларды қосымша біліммен қамту 81,1% (3 102 433 бала) құрайды.
Қосымша білім беру ұйымдарының желісінің кепілдендірілген мемлекеттік стандарты:
балалардың тұрғылықты жерінен жаяу қашықтықта (аула клубтары, мәдениет үйлері, балалар мен жасөспірімдер шығармашылық орталықтары және т.б.), әсіресе ауылдық жерлерде мектептен тыс ұйымдар желісін кеңейтуге және дамытуға мүмкіндік береді;
дарынды балаларды, оның ішінде ерекше білім беруді қажет ететін балаларды, халықтың әлеуметтік осал топтарындағы балаларды шығармашылық дамыту, қолдау үшін жағдай жасайды;
балалардың қызығушылықтары мен ерекшеліктерін ескере отырып, қосымша білім беруге жаппай тартуды қамтамасыз етеді және қылмыстың, суицидтің және т.б. төмендеуіне әсер етеді.
«Бұл шара балаларды қосымша біліммен 100% қамту мәселесін шешеді, балалар мен олардың ата-аналарының қосымша білім алу қажеттіліктерін қанағаттандырады, халықтың әлеуметтік осал топтарынан отбасылардың әлеуметтік шиеленістерін жояды», — деп атап өтті Оқу-ағарту министрлігі.
Құжат 11 сәуірге дейін қоғамдық талқылау үшін «Ашық НҚА» сайтында орналастырылған.
