Қызылордада екі көпқабатты үй пайдалануға берілді. Онда 150 отбасы пәтер алды. Бақытты қоныстанушылардың қатарында толық емес отбасылар, ерекше қажеттіліктері бар адамдар, жетімдер және ата-анасының қамқорлығынсыз қалған балалар бар.
Роза Әкімтаева өзінің бақытына әлі де сене алар емес. Он жеті жыл бойы пәтер жалдап, өз баспанасын күтті. Енді екі баласын жалғыз асырап отырған әйел, пәтер мәселесін артта қалдырды.
Роза Әкімтаева, Қызылорда қаласының тұрғыны:
– Қасиетті Рамазан айының соңғы күндері біз үшін ең қуанышты болды. Біз өзіміздің баспананы көптен бері армандағанымыз сонша, барлық толқуды сөзбен жеткізу қиын. Мен қатты қобалжып тұрмын. Мен балаларыммен бірге осында бақытты болатынымызға сенімдімін.
Халықтың әлеуметтік осал топтарының өмір сүру жағдайын жақсарту үшін бір ғана облыс орталығында 67 көпқабатты үй салу жоспарлануда. Бұл мақсаттарға 14 миллиард теңгеге жуық қаражат жұмсалады деп жоспарлануда. Жыл соңына дейін үш мыңға жуық отбасы жаңа пәтерлердің кілтін алады.
Нұрлыбек Нәлібаев, Қызылорда облысының әкімі:
– Өткен жылы облыста 4170 пәтер пайдалануға берілді. Өткен айда кезекте тұрған 252 адам қоныс тойын тойлады. Бүгінгі күні – 150. Халықтың өмір сүру сапасын арттыру – Елбасының Ұлттық Құрылтай отырысында айтқан басым бағыттарының бірі. Осы бағытта облыста тұрғын үй құрылысының көлемін арттыруды жоспарлап отырмыз.
Облыс орталығында тағы бір үйді тапсыруға дайындалып жатыр. Алдағы күндері олардан «Сыр жастары» жеңілдетілген ипотекалық бағдарламасы бойынша 60 жас отбасы пәтер алады. Облыс орталығынан бөлек, облыстың аймақтарында 700 пәтерлік үйлер салынады деп жоспарлануда.
