1 мамыр күні «Aspan» спорт кешенінде пара каратэден Астана қаласының чемпионаты өтті. Жарыс тірек-қимыл аппараты бұзылған, көру қабілеті төмен және интеллектуалдық мүмкіндіктері шектеулі спортшылар арасында өтті, деп хабарлайды елорда әкімдігінің ресми сайты.
Жарыс қорытындысы бойынша марапаттау рәсіміне Астана қаласы Дене шынықтыру және спорт басқармасы басшысының орынбасары Исламбек Байманов қатысты. Исламбек Айдарұлы спортшыларды айтулы жеңісімен құттықтап, алдағы спорттық жарыстарда сәттілік тіледі.
Жарыстың басты мақсаты – мамыр айында пара каратэден өтетін Қазақстан чемпионатына қала құрамасын жасақтау, дарынды жас спортшыларды анықтау және астаналықтарды спортқа баулу.
0
