Алматыда Alem CITY-2 ТК орналасқан бес үйде халықтың әлеуметтік осал топтарының арасынан келесі 105 кезекте тұрғандарға кілттерді салтанатты түрде тапсыру өтті.
Іс-шара Наурызбай ауданында кілттерді тапсыру сериясының жалғасы болды. 25 мамырда кілттерді 124 кезекте тұрғандар алды, ал 28 мамырда оларға тағы 164 адам қосылды.
-ХӘОТ санаттары бойынша бөлуге түскен 105 Кезекте тұрғандардың жалпы санынан: жетім балалар – 30, 1-ші және 2-ші топтағы мүгедектігі бар жандар – 8, жеңілдіктер бойынша ҰОС – ға теңестірілген ардагерлер-1, мүгедектігі бар балаларды тәрбиелеп отырған отбасылар-6,зейнеткерлер – 8, толық емес отбасылар-52. Барлық пәтерлер кең, таза, — деп атап өтті коммуналдық инфрақұрылымды дамыту басқармасы басшысының орынбасары Ғалымжан Әбдішұқырұлы.
Алматыда осындай жобаларды іске асыру қала тұрғындарының, әсіресе қиын өмірлік жағдайға тап болғандардың өмір сүру сапасын жақсартуға бағытталған. Қала билігі азаматтардың әлеуметтік осал санаттарына қажетті қолдауды қамтамасыз ете отырып, тұрғын үй мәселелерін шешу бойынша белсенді жұмысын жалғастыруда. Көптеген қоныстанушылар жаңа баспана алу олар үшін нағыз сыйлық болғанын және жаңа мүмкіндіктер ашатынын атап өтті.
— Олар маған қоңырау шалып, пәтердің иесі болғанымызды айтты, басында мен тіпті сенбедім. Біз үшін бұл үлкен бақыт пен тосын сый! Мен ұлымды жалғыз тәрбиелеп жатырмын, бұл мен үшін мемлекеттен үлкен қолдау. Мен 2015 жылы кезекке тұрдым, — деп алматылық Виктория Гришина қуанышымен бөлісті.
Мегаполис әкімдігі қала әкімі Ерболат Досаевтың тапсырмасы бойынша биыл «халықтың әлеуметтік осал топтары» тізімі бойынша кезекте тұрған азаматтарға кезектілік тәртібімен қаланың коммуналдық тұрғын үй қорынан 2000 жалға берілетін пәтер беру жоспарланғанын, оның ішінде 400 пәтер жетім балаларға берілетінін еске салды.
