Қазақстандағы балалар лагерлеріне тегін жолдаманы қалай алуға болады

Қазақстандағы балалар лагерлеріне тегін жолдаманы қалай алуға болады, деп хабарлайды Білім министрлігінің баспасөз қызметі.

«Жазғы демалыс және сауықтырумен жалпы білім беретін мектептердің 1-10 сынып оқушыларының 92%-ын, яғни әлеуметтік осал санаттағы 600 мыңға жуық баланы қоса алғанда, 2,9 миллионнан астам баланы қамтылады. Демалыс орындарындағы балалардың қауіпсіздігі ерекше бақылауда. 187 демалыс базасының 150-і 1-10 маусым аралығында іске қосылады. Қалған 37 нысан 15 маусымда жұмысын бастайды», — делінген сейсенбі күні таратқан хабарламада.

Кім тегін жолдама алуға құқылы:

•АӘК алуға құқығы бар отбасы балалары (атаулы әлеуметтік көмек);

•Жан басына шаққандағы орташа табысы күнкөріс деңгейінен төмен АӘК алмайтын отбасылардың балалары;

•Отбасында тұратын жетім және ата-анасының қамқорлығынсыз қалған балалар;

•Төтенше жағдайлар нәтижесінде шұғыл көмекке мұқтаж отбасылардан шыққан балалар;

•Білім беру ұйымының алқалы органы айқындайтын білім алушылар мен тәрбиеленушілердің басқа санаттары.

Ата-аналарға немесе қамқоршыларға сауықтыру лагеріне тегін жолдама алудың үш нұсқасы бар:

•Халыққа қызмет көрсету орталықтары;

•Облыстық (қалалық, аудандық) білім бөлімдері арқылы;

• eGov.kz мемлекеттік қызметтер порталы.

Тіркеу кезінде қажет болатын құжаттар тізімі де берілген:

1. өтініш;

2. жеке басын куәландыратын құжат немесе цифрлық құжаттама қызметінің электрондық құжаты (жеке басын сәйкестендіру үшін қажет);

3. «АХАТ Тіркеу пункті» ақпараттық жүйесінде электронды түрде баланың (балалардың) туу туралы куәлігі немесе оның қағаз жеткізгіштегі көшірмесі не туған Қазақстан Республикасынан тыс жерлерде;

4. некеге тұру немесе некені бұзу туралы куәліктің көшірмесі (АХАТ Тіркеу пунктінде мәліметтер болмаса);

5. «Денсаулық сақтау саласындағы есепке алу құжаттамасы нысандарын бекіту туралы» Қазақстан Республикасы Денсаулық сақтау министрінің м.а. 2020 жылғы 30 қазандағы № ҚР ДСМ-175/2020 (бұдан әрі – ҚР ДСМ-175/2020 бұйрығы);

6. мәртебесін растайтын құжаттың көшірмесі:

•мемлекеттік атаулы әлеуметтік көмек алуға құқығы бар отбасылардан шыққан балалар үшін – көрсетілетін қызметті алушының (отбасының) жергілікті атқарушы органдар беретін мемлекеттік атаулы әлеуметтік көмекті алушы болып табылатынын растайтын анықтама;

•мемлекеттік атаулы әлеуметтік көмек алмайтын, жан басына шаққандағы орташа табысы ең төменгі күнкөріс деңгейінен төмен отбасылардан шыққан балалар үшін-алынған табыстар туралы құжаттар (жұмыс істейтін ата-аналардың немесе оларды алмастыратын адамдардың жалақысы туралы, Кәсіпкерлік және басқа да қызмет түрлерінен түсетін табыстар туралы, балаларға және басқа да асырауындағы адамдарға алимент түріндегі табыстар туралы анықтама);

•отбасында тұратын жетім балалар мен ата-анасының қамқорлығынсыз қалған балалар үшін – отбасыларда тұратын жетім балалар мен ата-анасының қамқорлығынсыз қалған балаларға қорғаншылықты (қамқоршылықты), патронаттық тәрбиені бекіту туралы уәкілетті органның шешімі;

•төтенше жағдайлар нәтижесінде шұғыл көмекке мұқтаж отбасылардан шыққан балаларға және басқа санаттарға.

Сонымен қатар, су тасқынынан зардап шеккен өңірлерден 3 883 бала еліміздің сауықтыру орталықтарында тегін демалыспен қамтамасыз етілгені және 20 мың бала «Қазақстан халқына» қорының «QH Жаздық жолдама» жобасы аясында тегін демалуға мүмкіндік алатыны хабарланды.