Қазақстанда мемлекеттік қордан тұрғын үйді жекешелендіру ережелері өзгерді
Үкіметтің 2024 жылғы 6 маусымдағы қаулысымен Мемлекеттік тұрғын үй қорынан тұрғын үйлерді жекешелендіру қағидаларына өзгерістер енгізілді.
Соңғы жаңартуларға сәйкес, енді Тұрғын үй комиссиясына жүгінген кезде басқа құжаттармен қатар порталда тіркелген тұрғын үйді жалдау шартын немесе тұрғын үй тапсырысын тапсыру қажет.
Жекешелендіру жолымен тұрғын үйге меншік құқығын алу үшін өтініш беруші тұрғын үй комиссиясының қарауына «Азаматтарға арналған үкімет» мемлекеттік корпорациясы» КЕАҚ немесе «электрондық үкімет» веб-порталы арқылы мынадай құжаттарды ұсынады:
* жалға алушының барлық кәмелетке толған отбасы мүшелері қол қойған тұрғын үйді жекешелендіру туралы өтініш;
* көрсетілетін қызметті алушының және оның отбасы мүшелерінің жеке басын куәландыратын құжаттар (сәйкестендіру үшін);
* неке (некені бұзу), отбасы мүшелерінің қайтыс болуы, балалардың тууы туралы куәліктер (қажет болған жағдайда, ақпараттық жүйеде ақпарат болмаған жағдайда);
* порталда тіркелген тұрғын үйді жалдау шарты немесе тапсырысы;
* басқа адамдар көрсетілетін қызметті алушының отбасы мүшелері деп танылған жағдайларда, соңғысына оларды көрсетілетін қызметті алушының отбасы мүшелері деп тану туралы сот шешімі ұсынылады;
* халықтың әлеуметтік осал топтарына жататын азаматтар көрсетілетін қызметті алушының (отбасының) халықтың әлеуметтік осал топтарына жататынын растайтын құжатты қосымша ұсынады;
* мемлекеттік қызметшілер, бюджеттік ұйымдардың қызметкерлері, әскери қызметшілер, арнаулы мемлекеттік органдардың қызметкерлері, судьялар және мемлекеттік сайланбалы лауазымдарды атқаратын адамдар санатына жататын азаматтар жұмыс орнынан (қызметтен) анықтаманы не қызметкердің еңбек қызметін растайтын құжаттың көшірмесін қосымша ұсынады;
* ғарышкерлерге, ғарышкерлерге кандидаттар Қазақстан Республикасының Үкіметі тағайындайтын олардың мәртебесін растайтын құжатты ұсынады;
* жалдау шарты бойынша қарыздың жоқтығын растайтын құжат;
* жекешелендiру кезiнде — мемлекеттiк тұрғын үй қорынан тұрғын үйге тегiн меншiк алуға құқығы бар азаматтар санатына мүшелiгiн растайтын құжат.
Жеке басын куәландыратын құжаттардың, неке қию немесе бұзу туралы куәліктердің (2008 жылғы 1 маусымнан кейін), қайтыс болу туралы (2007 жылғы 13 тамыздан кейін), балалардың туу туралы (2007 жылғы 13 тамыздан кейін) мәліметтері, оларға меншік құқығында тиесілі тұрғын үйдің (Қазақстан бойынша) болуы немесе болмауы туралы мәліметтер, мекенжайы туралы мәліметтерді, басқа адамдарды көрсетілетін қызметті алушының отбасы мүшелері деп тану туралы сот шешімін, өтініш берушінің халықтың әлеуметтік осал топтарына жататынын растайтын құжаттарды көрсетілетін қызметті беруші отбасының барлық мүшелеріне тиісті мемлекеттік ақпараттық жүйелерден электрондық үкімет шлюзі арқылы алады.
Бірнеше жалдаушыға тұрғын үйді жалдаудың жекелеген шарттарына сәйкес жалға берілетін тұрғын үй, олардың біреуі сатып алуды жүзеге асыруға келіспеген жағдайда, жекешелендірілмейтіні атап өтіледі.
Осылайша, жекешелендіру туралы шешім қабылданғаннан кейін мемлекеттік кәсіпорындар мен мемлекеттік мекемелердің тұрғын үй қорынан тұрғын үйді коммуналдық меншікке беру беру туралы шешім қабылданған күннен бастап күнтізбелік 15 күн ішінде жүзеге асырылады.
Сондай-ақ, жекешелендіру туралы шешім қабылданғаннан кейін коммуналдық мемлекеттік кәсіпорынның және коммуналдық мемлекеттік мекеменің тұрғын үй қорынан тұрғын үйді коммуналдық тұрғын үй қорына беру порталды пайдалана отырып, күнтізбелік 15 күн ішінде электрондық нысанда жүзеге асырылады.
Тұрғын үйді жекешелендіру туралы шарт жасасқаннан кейін өтініш беруші тұрғын үйге төлемді портал арқылы, егер бар болса, күнтізбелік 30 күн ішінде жүзеге асыруы тиіс. Үйді тегін алған кезде ешқандай төлем жасалмайды.
Қаулы алғашқы ресми жарияланған күнінен кейін екі ай өткен соң қолданысқа енгізіледі.
