Парада жүзуден Паралимпиада ойындарының (Рио 2016) чемпионы Зульфия Ғабидуллина 2024 жылы Парижде өтетін XVII Жазғы Паралимпиада ойындарына қатысуға лицензия алды. Бұл оның Қазақстан атынан Паралимпиада ойындарындағы төртінші қатысуы болмақ.
Осылайша, Қазақстанның 2024 жылы Парижде өтетін жазғы Паралимпиада ойындарына 14 лицензиясы бар. Лицензия иегерлерінің қатарында парапауэрлифтингтен Давид Дегтярев, пара-жеңіл атлетикадан Дастан Мұқашбеков, отырып ойнайтын волейбол командасы, пара-оқ атудан Еркін Ғаббасов, Спатай Бибарыс пен Жаңыл Балтабаева — параканоэде, Нұрлан Домбаев, Камиля Досмалова және Нышан Өмірәли — паратаэквондода сонымен қатар Али Махулбеков — пара-үстел теннисінен.
Париж-2024 Паралимпиада ойындары 28 тамыз бен 8 қыркүйек аралығында өтеді. Жарыстар 23 спорт түрі бойынша өтеді. Іріктеу турнирлері 15 шілдеге дейін жалғасады.
